Ғылым айлығы аясында университет қабырғасында ТжӘИ «Тілдер мен әдебиеттерді зерттеудің теориялық және әдіснамалық аспектілерінң қазіргі парадигмасы» халықаралық ғылыми –практикалық конференциясын ұйымдастырды. Кездесу жұмысы: қазіргі таңда жастарды ғылыми жұмысқа тарту, орта қалыптастыру, кеңістік құруды мақсат етті. Оған Қазақстан, Түркия, Ресей, Өзбекстан қатарлы алыс –жақын шет елдерден магистранттар , доктаранттар, ғалымдар қатысып, 100-ден аса мақалалар келіп түсті. Спикерлер, қазіргі қазақ тіл білімінің және әдебиеттанудың өзекті мәселелері, тіл мен әдебиетті оқытудың иновоциялық технологиялары 2 бағыты бойынша тақырыптарды көтерді.
Солардың бірі, ҚР Ұлттық ұланы тілдік дайындық кафедрасының бастығы Ақмарал Сәркенқызы, қазақ этнопедагогикасын зерттеп, алғаш оның түп негізін қалыптастырған ойшылдардың еңбектерін танымдық жағынан бүгінгі жаңа парадигма аясында қарастырудың маңыздылығына тоқталып, ЖОО студенттерінің оңтайлы білім алуына, кәсіби қызметіне осы халықтық педагогиканың берер мүмкіндігі мол деген қорытындыға келді. Конференция жұмысының барысында тіл мен әдебиетті оқытудың өзекті мәселелерін шешуде инновациялық іс-әрекеттердің тиімділігін арттыру, қазіргі тіл біліміндегі ғылыми зерттеулердің мүмкіндігін анықтау, бүгінгі білім беру саласындағы оқытудың тиімді жолдарын қарастыру мәселелері жайлы айтылды. Іс-шараның келесі бөлімі филология мен методологияның өзекті мәселелері бойынша секциялық отырыстарда жалғасты.
