Университет тазалығы өз қолымызда

Бір күндік тазалық шарасында, құрылымдық бөлімшелер мен қызметкерлер, оқытушылар мен студенттер белсенділік танытты. Сенбілік барысында оқу ғимараттары мен жатақхана, бассейн, обсерватория, сауықтыру орталығы мен мұражай аумағы абаттандырылды. Көгалдарды қоқыстардан, жапырақтардан және сынған бұтақтардан тазартты. Сонымен қатар, ағаш түптері әктеліп, сырланды. Барлығы 100-ден аса адам қатысты. Келесі кезекте «тазалық үшін күрес эстафетасын» осы жолы сенбілік шарасына қатыса алмаған білім алушылар мен оқытушылар жалғастырады.