Студенттер үшін баламалы энергия көзі

Қозыбаев университетінің №3 жатақханасының маңында қуаты аз гелио және жел энергетикалық станциясы орнатылды. Ол жел мен күн энергиясын электр энергиясына айналдыруға арналған. Бұл экологиялық таза әдістердің бірі.Жобаны «Энергетика және радиоэлектроника» кафедрасының доценті Саят Молдахметовтың жетекшілігімен ИСТФ бітіруші курс студенттері Диана Нұрмақанова мен Диас Құсайыновтың командасы жүзеге асыруда.

«Шеврон» компаниясының қолдауымен тұрақты даму Офисі мен «National Conservation Initiative» корпоративтік қоры жүзеге асыратын Назарбаев Университетінің Sustainability Living Lab бағдарламасы аясында орындалды. Бағдарлама университет қауымдастығындағы жасыл-ғылыми зерттеулер мен инновациялық жобаларды қолдайды.Гелио және жел электр станциясы шағын тұрмыстық техниканы зарядтауға арналған электр энергиясын өндіреді. Мәселен, біздің студенттер ұялы телефондарын зарядтау үшін пайдалана алады.