«Агрономия және орман шаруашылығы» кафедрасында «Егіншіліктің ресурс үнемдеуші технологиялары жүйесінде топырақты өңдеудің әртүрлі тәсілдерін қолдану тиімділігін салыстырмалы талдау» тақырыбында пікірталастар өткізілді. Іс-шара Ғылым күндері аясында өтті. Пікірталастың мақсаты-білім алушылардың коммуникативті-бағытталған қызметін ұйымдастыру және сыни ойлауды дамыту. 6В08101 «Агрономия» ББ 2-ші және 3-ші курс студенттері қатысты. Пікірсайыс барысында ауыл шаруашылығындағы топырақты өңдеу жүйесі бойынша мәселелер талқыланды (дәстүрлі, no till). Білім алушылар 2 кезеңде бақ сынасты. Әр команда өз көзқарасын дәлелдеді және оны барлық жағынан қорғады. Пікірсайыс нәтижелері бойынша қатысушылар сертификаттармен марапатталды.
