40 жылдан астам ғылыми жолында: «Адам бойында жоғары белестерді бағындыруға табиғи бейімділік бар. Сондықтан мен тау шыңдарын бағындырмасам да, білім шыңдарын бағындыруға мүмкіндігім бар»,- дейді Андрей Солодовник.
Қозыбаев университетінің «Физика» кафедрасының профессоры, физика-математика ғылымдарының кандидаты, астрономия ғылымдарының доценті, Қазақстан Ұлттық жаратылыстану ғылымдары Академиясының корреспондент-мүшесі, Ұлттық ғылым академиясының ЖММ корреспондент мүшесі Андрей Андреевич Солодовниктің 70 жылдығына арналған халықаралық конференцияда жоғары ғылыми жетістіктері талқыланды. Профессорды мерейтоймен елімізден ғана емес, Ресей мен Швециядан келген әріптестері, шәкірттері құттықтады.
Солтүстік Қазақстанда астрофизикалық сипаттағы жаңа ғылыми бағытты құрудың бастауында Андрей Андреевич тұрды. М.Қозыбаев атындағы СҚУ Астрофизикалық Зерттеулер Орталығын құрды. 2004 жылы университетте ҚР жоғары оқу орны жанындағы жалғыз планетарийі бар обсерватория жұмыс істей бастады. Андрей Солодовник 17 жылдай ҚР БҒМ ғылыми-зерттеу гранттарының 8 тақырыбы бойынша жұмысты басқарды.
Ең маңызды ғылыми жетістіктер атмосфераның жоғарғы қабаттары мен жақын ғарыштың физикасы және ұзақ мерзімді айнымалы жұлдыздардың табиғаты саласында алынды. Атап айтқанда, әлемдік тәжірибеде алғаш рет метеорологиялық процестер мен түнгі бұлттардың ғаламдық өрістерінің эволюциясы арасындағы физикалық байланыстардың бар екендігі дәлелденді. Әлемдік ғылыми қауымдастық мойындаған бұл факт түнгі бұлттарды климаттық және одан кейінгі ауқымды геофизикалық өзгерістердің ең маңызды белгісі ретінде қарастыруға мүмкіндік береді. Сонымен қатар, инфрақызыл диапазондағы түнгі бұлттарды тіркеудің жаңа әдісі ұсынылып, сыналған, бұл жердегі бақылаулардың тиімділігін едәуір арттыруға мүмкіндік береді.
«Университетте астрономияның ғылыми мектебі құрылды. Ал Андрей Андреевичтің жетекшілігімен үш кандидаттық және 30-дан астам магистрлік диссертациялар дайындалып, қорғалды. Scopus импакт-факторы бар 10-ға жуық және БҒСҚК ондаған мақалалары жарық көрді. Басылымдардың жалпы саны 260-тан асты», - деді Басқарма Төрағасы – Ректор м.а. Рената Апергенова.
Қозыбаев университетінің директорлар Кеңесінің Төрағасы Ғалым Байтұқ көпжылдық достастығы туралы жылы естеліктерімен бөлісті. Ол ҚР Парламенті Сенатының Төрағасы Мәулен Әшімбаевтың құттықтау сөзін оқыды.Сондай-ақ, ҚР ҒЖБМ және жоғары оқу орнынан кейінгі білім комитетінің Төрағасы Гүлзат Көбенованың, ҚР Философия, саясаттану және дінтану институтының директоры Серік Сейдуманов пен, ҚР Цифрлық даму, инновациялар және аэроғарыш өнеркәсібі министрлігі Аэроғарыш комитетінің Төрағасы Баубек Оралмағамбетовтың құттықтау сөздері тыңдалды.
Бұл күні «Ғылымды дамытуға қосқан үлесі үшін» төсбелгісімен марапатталды. Конференцияда сөз алған СҚО әкімі аппаратының басшысы Руслан Әлішев Андрей Солодовникке «Петропавл қаласының Құрметті азаматы» атағы берілетінін хабарлады.
Шара соңында Андрей Солодовник өзінің мерейтойына дайындап, басып шығарған «Удивление от Вселенной» атты кітабының тұсаукесері өтті, онда ол ғалым ретінде өмір жолын, қалыптасу кезеңдерін және астрофизикадағы ғылыми қызығушылықтарының салаларын сипаттайды.Андрей Андреевичті мерейтойымен шын жүректен құттықтаймыз! Есімі еліміздің шекарасынан тысқары жерлерге танымал нағыз зиялы, ұстаз-ғалым! Сізге зор денсаулық, ұзақ ғұмыр және шығармашылық табыстар тілейміз!
