2024 жылдың 28 сәуірінде «Қазақстан халқы Ассамблеясы» кафедрасына 10 жыл толды. Республикада алғашқылардың бірі болып құрылып, «Шаңырақ» ҚХА кафедраларының қауымдастығы» РҚБ құрамына енді.
Кафедраның негізгі мақсаты қоғамдық келісімді сақтауға және қазақстандық патриотизм, Қазақстан халқының азаматтық және рухани-мәдени ортақтығы негізінде азаматтық бірегейлікті, бәсекеге қабілетті ұлтты қалыптастыру процесіне сыртқы ұйымдармен тығыз өзара іс-қимыл жасау арқылы жәрдемдесу болып табылады.
Кафедра университеттің дербес құрылымы және ректордың тікелей бақылауында жұмыс атқарады. ҚХА кафедрасы өз жұмысында университеттің барлық құрылымдық бөлімшелері мен факультеттеріне сүйенеді. Кафедрада ғылыми-әдістемелік бірлестік (ҒӘБ) жұмыс істейді, оның құрамына ЖОО оқытушылары, магистранттары мен студенттері, сондай-ақ сыртқы ұйымдардың өкілдері кіреді.
ҚХА кафедрасы өз қызметін, СҚО Қазақстан халқы Ассамблеясының этномәдени бірлестіктерімен, «СҚО ішкі саясат басқармасы» КММ «Қоғамдық келісім» КММ-мен өзара белсенді білім беру, ғылыми-зерттеу және тәрбие жұмысы бағыттары бойынша жүзеге асырады. Кафедра Қазақстан, Ресей, Беларусь, Өзбекстан, Қырғызстан, Молдова, Украина, Литва және т.б. елдердің ғылыми, жоғары оқу орындарымен және қоғамдық ұйымдарымен тығыз байланыс орнатқан.
Кафедра жұмыс істеген уақытта ЖОО студенттері үшін 53 қазақстандық және шетелдік сарапшыларды тарта отырып, 7 білім беру дәрістері мен 10 жеделдетілген курс әзірленіп, өткізілді. Жыл сайын шамамен 3 мың студент, оның ішінде шетел студенттері дәрістер мен курстарға қатысты.
Жалпы әдістемелік әдебиеттің 78 түрлі түрі: оқу құралдары, жинақтар, дәріс курстары, анықтамалықтар, әдістемелік нұсқаулар, антологиялар, альманахтар, атластар және т. б. әзірленді. Кафедра өз жұмысы барысында 30-дан астам байқаулар ұйымдастырып, оған 2500-ге жуық студент, Петропавл қаласы және СҚО мектептерінің оқушылары қатысты, 29 ғылыми-әдістемелік семинарлар өткізіліп, оған 2430 адам қатысқан.
2019-2020 оқу жылында М. Қозыбаев атындағы СҚУ-да қазақ, неміс, үнді, армян, татар, орыс, украин, поляк, әзірбайжан және т.б. халықтарының мәдениет күндері өткізілді. 3 тілде, ашық форматта өткен іс-шаралар, студенттер арасында кең қызығушылық тудырды (5000-нан астам студент).
ҚХА кафедрасы ЖОО-ның жаңа дәстүрлерін құруды бастады – Алғыс айту күнін өткізу, «Мәдениеттер мен тілдер диалогы» тұрақты жұмыс істейтін әдеби қонақ бөлмесі және «Арман-Отан-Мәңгілік Ел» пікірталас клубы, ұлттық ойындар бойынша спорт-батлды ұйымдастыру, «Ұлы дала музыкасы», «Балалармен байланысты Қазақстан халқының дәстүрлері», «Қызықты адамдар клубы» бейнероликтері және т.б. Сонымен қатар, студенттерге үнемі сауалнама жүргізіледі.
Кафедраның басты жетістігі студенттермен жүйелі жұмысты ұйымдастыру, олардың Қазақстан халқының мәдени және тілдік алуан түрлілігімен танысуы, Қазақстан халқы Ассамблеясының қызметіне қатысуы болып табылады. Қоғамдағы бірлік пен келісімді нығайтудағы бірлескен жұмысымыз бен жемісті еңбегіміз үшін баршаңызға алғыс айтамыз!
Кафедра қызметімен толығырақ танысу үшін сілтемелер бойынша өтіңіз:
1. Анықтама
2. Кітапша
