Университетімізде биылғы оқу жылында осымен екінші бос жұмыс орындар жәрмеңкесі өтті. Бұл жолы педагогикалық мамандықтардың түлектері үшін ұйымдастырылды. Олар 3 факультет пен ТжӘИ-да оқиды: болашақ тәрбиешілер, дефектологтар, математика- жаратылыстану ғылымдары мен гуманитарлық пән мұғалімдері, және басқа да мамандар.
Барлығы 26 білім беру ұйымы қатысты: СҚО жеті ауданы мен қаламыздың мектептері, гимназиялар, балабақшалар, білім ошақтары. Сонымен қоса, мемлекеттік қызмет істері агенттігінің Департаменті мен Мансап орталығының өкілдері. 80-нен астам бос жұмыс орындары ұсынылды.
Университеттің Мансап және жұмыспен қамту орталығы атап өткендей, жәрмеңкенің мақсаты –түлектер үшін жұмыс орындарының қолжетімділігін кеңейту, ал жұмыс берушілер үшін лайықты үміткерлерді тарту,жұмысқа қабылдау процесін жеңілдету. Білім алушылар кеңес алып, түйіндеме жіберіп, еңбек жағдайлары мен жалақы туралы ақпарат алды.
Айтып өткен жөн, биыл оқуды1500-ге жуық студент аяқтаса, оның 480-і педагогикалық білім беру бағдарламасының түлектері.