Қозыбаев университетіне Алматы менеджмент университетінен (AlmaU) 5 тонна гуманитарлық көмек жіберілді. Ол су тасқынынан зардап шеккен ЖОО қызметкерлері мен оқытушыларына беріледі.
Азық-түлік, жылы киім, электр шәйнектері, дәрі-дәрмектер, жуғыш заттар, етіктер, және т.б. мұқтаж жандарға таратылады. AlmaU ЖОО-ның серіктесі болып табылады. Сондай-ақ, MBA магистратурасының білім беру бағдарламалары ашылды, олар 2-ші жыл сәтті жүзеге асырылуда.
Сонымен қатар, 27 қорап дәрі-дәрмек, балалар тағамы, азық-түлік, тұрмыстық химия және төсек-орын жиынтығын «Центркредит» банкі Қозыбаев университетіне жіберді. Біздің университет студенттерді оқыту және түлектерді жұмысқа орналастыру мәселелері бойынша бұрыннан ынтымақтастық орнатқан серіктестерімен байланыста.
Көрсетілген көмек үшін алғыс айтамыз! Сіздің қолдауыңыз біз үшін өте құнды! Қиын жағдайға тап болған жандар үшін үлкен көмек. Қозыбаев университетінің ұжымының ішінен 26 отбасы су тасқынынан зардап шекті.
Олардың барлығына жатақханада орын берілді. Бір ай бойы №4 ОК-да гуманитарлық көмек қабылдау пункті жұмыс істеді, онда қызметкерлер мен ПОҚ қажетті заттар, өнімдер және т.б. әкеле алды.
