ЖОО Әскери кафедрасында Отан қорғаушылар мен Жеңіс күніне арналған «Ұранды ердің –ұрпағы қайсар» салтанатты шара өтті. Бүгінде ӘК 119 студент білім алуда. Атқыштар мамандығы бойынша бір жылдық даярлығы бар запастағы сержанттарды, аумақтық қорғанысты жоспарлау және ұйымдастыру бойынша офицерлерді даярлау жүргізілуде.
Үлкен тарихы бар әскери кафедра 3000-нан астам запастағы офицерлер мен сержанттарды дайындады. Түлектеріміз республиканың Қарулы Күштерінде, Ішкі істер министрлігінде, Шекара әскерлерінде, Ұлттық қауіпсіздік комитетінде және басқа да құрылымдарда түрлі лауазымдарда табысты қызмет етуде. Олар Отан қорғау борышын абыроймен орындайды!Шарада оқу қару-жарақ пен әскери оқу техникасын қолдану шеберліктерін көрсетті.
Басқарма Төрағасы – Ректор м.а. Рената Апергенова құттықтау лебізін білдірді: «Отанды қорғау –жауапты әрі қасиетті парыз. Әскери антына адал, нағыз патриоттарды халық қашанда ерекше қадір тұтады. Біздің әскери кафедрада әскери қызметте және оқу-тәрбие жұмысында үлкен тәжірибесі бар офицерлер қызмет етеді. Осы сәтті пайдалана отырып, баршаңызды келе жатқан мерекелеріңізбен құттықтаймын!».
Бұл күні университеттің әскери кафедрасының 29 студенті, қызметкерлері мен оқытушылары ректордың грамоталарымен және алғыс хаттарымен марапатталды.
