Басқарма Төрағасы – Ректордың грантына ғылыми жобалар байқауының жеңімпаздары белгілі болды. Университетімізде оны жыл сайын Ғылым департаменті мен Жас ғалымдар кеңесі өткізеді. Байқау арқылы дарынды зерттеушілер өздерінің жұмыстарын дәлелдейді және ғылыми зерттеулерге қаржылай қолдау табады. Онда 40 жасқа дейінгі магистранттар, докторанттар, постдокторанттар мен педагогтар қатыса алады. Олар өздерінің ғылыми жобаларын конкурстық комиссияның қарауына ұсынады.
Биыл егіс алқабының агрохимиялық және метеорологиялық деректерін жинау жүйесін әзірлеу; ағаш өңдеу өнеркәсібінің қалдықтарынан терек сығындысын алу және оның ауыл шаруашылығы дақылдарының тұқым көрсеткіштеріне әсері; атомдық-күш микроскопиясы әдісімен зерттеу; бастаушы педагогтардың кәсіби дамуын қолдау үшін менеджменттің ақпараттық жүйесі және т. б. тақырыптар қозғалды.
Жалпы жүлде қоры 1 500 000 теңгені құрайды, ол конкурстық комиссияның шешіміне сәйкес жеңімпаздар арасында бөлінеді:
1) Саят Молдахметов, «Энергетика және радиоэлектроника» кафедрасының 3 курс постдокторанты;
2) Агния Маркова, «Физика» кафедрасының аға оқытушысы;
3) Гаиля Әубәкірова, «Энергетика және радиоэлектроника» кафедрасының аға оқытушысы;
4) Анна Мещанова, «Химия және химиялық технологиялар» кафедрасының 3 курс докторанты;
5) Айжан Айтулина, «Энергетика және радиоэлектроника» кафедрасының аға оқытушысы.
