Университетіміздің Қазақстан халқы Ассамблеясы кафедрасы мерейтойын атап өтті. Осы жылдар аралығында университет ішінде және одан тыс жерлерде түсіністік пен сенім алаңына айналды. Кафедраның білім алушылары арасында ҚР этникалық топтарының тарихы мен мәдениетіне құрметпен қарауды қалыптастыру, толеранттылыққа тәрбиелеу, көптілділікті дамыту, шетелдік студенттерді бейімдеу, Діни экстремизмнің алдын алу, жастар ортасында патриотизмді нығайту мәселелерімен табысты айналысады.
Дөңгелек үстелге ҚХА кафедрасының серіктестері жиналды, олар көптеген жылдар бойы бірлескен іс-шараларға, ғылыми және білім беру жұмыстарына қатысты: оқу ордамыздың ПОҚ, Л. Гумилев ат. ЕҰУ, Astana IT University, Діндерді зерттеу орталығының қызметкерлері (Астана қ.), «Шаңырақ »ҚХА кафедраларының қауымдастығы» РҚБ мүшелері, СҚО Қазақстан халқы Ассамблеясының, «Қоғамдық келісім» КММ, СҚО «Әдістемелік орталығының», AMANAT партиясының «Болашақ» филиалының өкілдері, Жоғары құрылыс-экономикалық колледжінің басшылығы мен оқытушылары, қаламыздың №17 ұлттық-өркендеу орта мектеп кешені және т.б.
СҚО әкімі аппаратының басшысы Руслан Әлішев университеттің ҚХА кафедрасының меңгерушісі Людмила Гривеннаяға Гауез Нұрмұхамбетовтың құттықтауын жеткізді. Сондай-ақ, ол Қазақстан халқы Ассамблеясының «Алға» төсбелгісімен марапатталды. Жоғары марапатты «Шаңырақ» ҚХА кафедралары қауымдастығының төрайымы Наталья Калашникова табыс етті.
Біздің ЖОО-ның ҚХА кафедрасының қызметіне үлес қосқан бірқатар әріптестер қауымдастықтан алғыс хат марапатын алды. Шараның құрметті қонақтарын «Манаш Қозыбаев» медалімен, ҚХА кафедрасының ғылыми-әдістемелік бірлестігінің белсенді мүшелерін, оқытушылар мен қызметкерлерді Басқарма Төрағасы – Ректордың м.а. алғыс хаттарымен марапаттау рәсімі өтті. Қазақстан халқы Ассамблеясы кафедраларының негізгі құндылықтарын ілгерілетудегі және студенттік ортада патриотизмді тәрбиелеудегі рөлі туралы, еліміздің жоғары оқу орындарында осы бөлімшелерді құрудың бастауында тұрған ҚХА кафедралары қауымдастығының құрметті төрағасы Анатолий Башмаков бөлісті.
«Біздің ЖОО-да ҚХА кафедрасы республикада алғашқылардың бірі болып құрылды. Бастапқыда оған жоғары мәртебе берілді-бұл ректорға тікелей бағынатын тәуелсіз құрылым. Жоғары оқу орнындағы Кафедра үштұғырлы міндетті орындайды: білім беру, ғылыми-әдістемелік және тәрбиелік. Университет оқытушылары, студенттері және сыртқы ұйымдардың өкілдері ерікті негізде қызмет атқарады. Людмила Гривеннаяның ЖОО-ның ҚХА кафедрасының қызметін ұйымдастыруға қосқан жеке үлесін ерекше атап өткім келеді», – деді Басқарма Төрағасы – Ректордың м. а. Рената Апергенова.
Кейін мерейтойлық іс-шаралар білім ордамызда, Жоғары құрылыс-экономикалық колледжі мен «Қоғамдық келісім» КММ базасында диалог алаңдары аясында жалғасты.
