ҚХР Солтүстік-Батыс ауыл шаруашылығы және орман шаруашылығы университетінің профессоры Джон Джонлиан Қозыбаев университетінде Агротехнологиялық факультетінің оқытушылары мен студенттеріне арналған семинар өткізді. Ол жиынға қатысушыларды өзінің оқу орнының қызмет бағыттарымен таныстырды және әріптестерімен бірге жүргізіп жатқан зерттеулер туралы айтты.
Солтүстік-Батыс ауыл шаруашылығы және орман шаруашылығы университеті Янлин.қ., Шэньси провинциясында орналасқан. Ол Қытайдың ауыл шаруашылығы бағытындағы жетекші ЖОО бірі болып табылады. Білім ордамызбен ынтымақтастық 2017 жылдан, сондай-ақ, Жібек жолының ауылшаруашылық білім беру және ғылыми инновациялар альянсына кірген кезден бастап жүргізіліп келеді. Қаламызда бірлесіп ашылған Агрокомпетенциялар орталығы (оқу-зертханалық корпуста) және Агротехнопарк (қала сыртындағы АБС базасында) жұмыс істейді.
Джон Джонлиан- Жануарлар ғылымы және технологиялар колледжінің (факультетінің) профессоры, онда бакалаврлар, магистрлер және PhD докторлары оқытылады. Семинарда спикер жануарлардың көбею саласындағы зерттеулерінің нәтижелері туралы баяндады. Бұл сала бойынша Қытайда заманауи генетика әдістері белсенді қолданылады: invitro жасушаларының қасиеттері tzp көмегімен зерттеледі. Оның тағы бір ғылыми бағыты – крио жануарлардың тұқымын сақтау. Біздің өңірде ауыл шаруашылығының жетекші салаларының бірі -мал шаруашылығы. Сондықтан қытайлық әріптестердің осы бағыттағы ақпарат пен тәжірибе алмасуы ПОҚ және аграрлық сала мамандары үшін аса құнды болып табылады.
