Спортшыларымыз Астана қаласындағы Назарбаев Университетінде өткен 2024 жылғы Республикалық Студенттік спорттық лигаға қатысты. ҚР Жоғары оқу орындарының 54 командасы бақтарын сынады.Қозыбаев университетінің спортшылары: жүзу, қазақша күрес, кикбоксинг және баскетбол бойынша сынға түсті.Ең көп медальді біздің жүзушілер жеңіп алды.
Қыздар арасында еркін стильде 50 және 100 метр қашықтықта Мирослава Пригоженко үздік болды. Сонымен қатар, Мирослава 50 метр баттерфляй әдісімен жүзіп, күміске қол жеткізді. Ерлер арасында 50 және 100 метрде Артём Казанцев алтын және күміс медальді иеленді. Эстафетада да 50 м-де жоғары нәтиже көрсетті: еркін стиль– 1, аралас – 2 орын.
Эстафеталық команда құрамында ПФ студенттері Мирослава Пригоженко, Юлия Безушко, Артём Литвиненко, Артём Казанцев болды. Ерлер арасындағы командалық сайыста біздің білім алушылар екінші орын алды. Осылайша, барлық жеңістерді қорытындылай келе, жүзуден командалық жарыста оқу ордамыздың құрамасы Студенттік спорт лигасының тұғырында 2 орынға жайғасты!
Диас Аскандиров кикбоксингтен 54 келі салмақта күміс жүлдегер атанды. Балуан Дмитрий Динер университет қоржынына тағы бір «күміс» әкелді. Қазақша күресте 82 келі салмақта өнер көрсетті.Спорттық лигаға барлығы 24 студентіміз қатысты. Олардың жартысы медальмен оралды! Спортшылар мен жаттықтырушылар құрамын шын жүректен құттықтаймыз!
