Қозыбаев университетінде МВА бағдарламасы – «Іскерлік әкімшілендіру магистрі» бір жыл бұрын Алматы менеджмент университеті (AlmaU) серіктестігімен ашылған болатын. Ол жоғары және орта буын басшыларына, бизнес иелеріне арналған. Оқу мерзімі– 2 жыл. Бағдарлама Қазақстан нарығының жағдайына бейімделген. Курстарды серіктес университеттердің оқытушылары мен бизнес-тренерлері жүргізеді. Бүгінде оның тыңдармандары 30 адамды құрайды.
Жиында AlmaU негізін қалаушы және Президенті Асылбек Қожахметов MBA болашағы туралы,сондай-ақ, кәсіп пен бизнес ортада даму тәжірибесімен бөлісті. Тұлға ретінде қалыптасудың мотивациялық мысалдарын келтірді. Тыңдаушылар үшін «Командадағы рөл: табысты ұжымды қалай құруға болады» атты шеберлік сағаты өтті. Оны ALMAU Жоғары бизнес мектебінің MBA оқытушысы, Tenderbot, Taxi.Kz, Eurosertificat жобаларының негізін қалаушы Тимур Худайбергенов жүргізді.Кездесу соңында заманауи басқарушылық білім мен дағдыларды үйрену, бизнес ортада еркін әрекет ету, стратегиялық шешімдерді тиімді қабылдауға мүмкіндік беретін MBA бағдарламасының тұсаукесері өтті.
Білім алушыларға оқыту форматын таңдау мүмкіндігі бар: модульдік, кешкі және weekend. Қазіргі уақытта келесі оқу жылына қабылдау жүріп жатыр. Ол 15 маусымға дейін жалғасады.
