24.06-28.06.2024 аралығында «Ситуативтік қазақ тілі» бағытында сабақтар жүргізілді. Қарастырылған сабақтың тақырыптары Үйде. Қонақта. Жұмыста. Қоғамдық орындарда. Қалада. Қатысқан тыңдаушылар: СҚУ-дың оқытушылары мен қызметкерлері.
Мақсаты: кез келген жағдайда қазақ тілінде еркін тілдік қарым-қатынас жасай білу дағдыларын қалыптастыру; жасанды тілдік орта құру; қазақ тілінде дұрыс ойын жеткізе алмау қорқыныш сезімінен арылту; қарапайым тілдік-коммуникативтік клишелерді пайдалану.
Сабақ барысында тыңдаушылардың алған білімдерін бағалау үшін әрбір модуль бойынша тест тапсырмалары, монолог/диалог құру, жағдаяттарды шешу сияқты қорытынды тапсырмалар көзделеді.
Осы курсты игеру барысында тыңдаушылар қазақ тілінің грамматикалық ерекшеліктерін өз бетімен игере алады, дайын шаблондар мен клишелер арқылы қазақ тілінде өз ойларын жеткізе алады. Қорытынды тапсырмалар тыңдаушыларға тілдік дағдыларын қалыптастырып, нығайтуға мүмкіндік береді.
