Құжат студенттердің академиялық ұтқырлығы, білім беру бағдарламаларын ұйымдастыруды, бірлескен ғылыми-зерттеу қызметін, сондай-ақ дәрістер, шеберлік сабақтар, конференциялар, семинарлар өткізу және білім беру саласындағы басқа да бастамаларды көздейді.Басқарма Төрағасы– Ректор Ербол Исақаев атап өткендей, Астана IT университеті– айтарлықтай жас университет, құрылғанына небәрі 5 жыл. Алайда, ЖОО IT саласында кадрлар даярлауда елімізде жетекші орынға ие.
AITU ректорының міндетін атқарушы Серік Өмірбаев Болон процесіне қатысушы елдер арасында Еуропалық кеңістіктегі жоғары білім беру жүйесіндегі инновациялар: сапа менеджменті, академиялық адалдық және т.б. өзгерістерге тоқталды. Тыңдаушыларды Астана IT университетімен таныстырды.
«ҚР ҒЖБ министрлігінің тапсырмасы бойынша біз 2 жыл бұрын өңірлік жоғары оқу орындарына IT саласында басымдық алдық. Бүгінде біз үш жоғары оқу орнымен меморандумға қол қойдық. Олармен ынтымақтаса отырып, білім беру бағдарламаларын бірлесіп әзірлейміз. Сондай-ақ, Астана медицина университетімен де меморандум жасалып, өткен жылы ІТ-медицинасы бойынша бағдарлама аштық»,- деді ол.
Енді біздің оқу ордамыз үшін жаңа мүмкіндіктер ашылды. Әріптестер IT саласындағы білім беру бағдарламаларын әзірлеуде, сондай-ақ оқытудың және бағалаудың инновациялық технологияларын енгізуде кеңес беріп көмек көрсетуге дайын. Сонымен қатар, PhD докторанттарға ғылыми жетекшілік ету үшін серіктес университеттердің жетекші ғалымдарын тартуға болады.
