Қытайдың Солтүстік-батыс ауыл шаруашылығы және орман шаруашылығы университеті 7 жылдан астам уақыт бойы Қозыбаев университетінің стратегиялық серіктесі болды. Осы уақыт ішінде өсімдік, мал шаруашылығы, азық-түлік қауіпсіздігі және су ресурстары бойынша ғылыми зерттеулер саласында тығыз әріптестік орнады. Ынтымақтастық біздің ЖОО 2017 жылы қосылған Жібек жолы ауыл шаруашылығы білімі және ғылыми инновациялар Альянсының қызметі шеңберінде жүзеге асырылады.
Осы аптада білім ордамызға Солтүстік-батыс ауыл шаруашылығы және орман шаруашылығы университетінің Директорлар кеңесінің төрағасы Хуан Сигуан бастаған ҚХР делегациясы келді. Мал шаруашылығы бағыты бойынша магистранттарды бірлесіп даярлау туралы келісімге қол қойылды. Бұған дейін агрономия саласындағы қос дипломды бағдарлама бойынша осындай құжатқа қол қойылған болатын. Осылайша, біздің магистранттар серіктестік бағдарламада бір семестр Қазақстанда және ҚХР -да үш семестр тегін оқу мүмкіндігіне ие. Бұл білім алушылар үшін академиялық тұрғыдан ғана емес, зерттеу қызметінде де үлкен мүмкіндіктер ашады.
Өсімдік шаруашылығы саласында қытайлық әріптестерімен серіктестікте ашылған Агротехнопарк негізінде бірлескен ғылыми зерттеулер жүргізілуде. Шағын көлемді ауыл шаруашылығы техникасы сатып алынды, отандық және шетелдік дақылдарының сорттық сынағы жүзеге асырылуда. Сондай-ақ, ЖОО-да мал шаруашылығы бойынша Қазақстан-Қытай зертханасы жұмыс істейді. Оған 10 млн.теңгеден астам сомаға жабдықты серіктес ЖОО ұсынды.
Маңызды қадамдардың бірі: Қозыбаев университеті мен Аризона университеті (АҚШ), Солтүстік-батыс ауыл шаруашылығы және орман шаруашылығы университетімен үшжақты меморандумы аясында Халықаралық су ресурстары ғылыми орталығын құру болды.
Ынтымақтастықтың академиялық құрамдас бөлігі, студенттер мен магистранттардың академиялық ұтқырлығы, студенттерді бірлескен оқыту саласында дамып келеді. Биылғы жылы АФ оқытушылары үшін Солтүстік-батыс ауыл шаруашылығы және орман шаруашылығы университетінің докторантурасына 3 грант бөлінді. Жалпы, мұндай ынтымақтастық ЖОО-ның ғылыми және академиялық әлеуетін дамытуға ғана емес, сонымен қатар өңір үшін өзекті зерттеулер жүргізуге мүмкіндік береді.
