ҚР ҒЖБМ мен Дүниежүзілік банктің жаңа кеңселеріЕнді оқу ордамызда болашақ педагогтардың тәжірибелік сабақтарын өткізу үшін , физика, химия, биология және инклюзивті білім беру бойынша заманауи құрал-жабдықтармен толық қамтылған төрт жаңа кабинет бар. Оқу үдерісін ұйымдастыру үшін, аудиториялар: жаңа жиһаздар, компьютерлер мен интерактивті тақталар, көрнекі құралдар, зертханалық аспаптар және қажетті әдебиеттермен қамтамасыз етілген.
Инклюзияға ерекше назар аударылады. Жаңа кабинетте сенсорлық интеграция және қалпына келтіру, ерекше білім беруді қажет ететін балалармен жұмыс, сөйлеу дағдыларын дамыту бойынша тестілеу жүйелері, мінез-құлықты түзету және мектепте оқуға көмектесу үшін жабдықтар орнатылған.
Енді студенттер педагогика ғылымының практикалық негіздерін тереңірек біліп-тануға мүмкіндік алады. Дүниежүзілік банктің қаржыландыруымен, Қозыбаев университеті ҚР ҒЖБМ –нің Жоғары және жоғары оқу орнынан кейінгі білім комитетінің «Орта білім беруді жаңғырту» жобасына қатысты. Осындай қолдау үшін алғыс білдіреміз!
