Қозыбаев университетінде дипломдарды табыстау басталды. Алғашқы күні ТЭҚФ,ТжӘИ түлектері және барлық магистранттар ЖОО бітіргенін растайтын құжаттарын алды.Салтанатты шара оқу ордамыздың бас сахнасында өтті. Екі аудиторияда және негізгі кампус алаңында ата-аналар үшін тікелей трансляция ұйымдастырылды.
«Университетті сәтті аяқтауыңызбен құттықтаймын! ЖОО-да алған білім мен тәжірибе, кез келген кәсіби қиындықтарды жеңуге көмектесетініне сенімдімін. Қозыбаев университеті биыл еліміз үшін бір жарым мыңға жуық маман шығаруда. Қолдап, тәлім-тәрбие берген оқытушыларыңыз бен ата-аналарыңыз сіздерді мақтан тұтады. Қиын міндеттерден қорықпай, үлкен мақсаттар қойыңыздар. Әр басқан қадамдарыңа сәттілік серік болсын! «Қозыбаев университетінің түлегі» деген атақты лайықты алып жүріңіздер!», – деді Басқарма Төрағасы – Ректор Ербол Исақаев.
Осы жылы СҚУ-ды барлығы 1 468 білім алушы бітіруде. Оның 1 376-сы бакалавриат, 92-сі магистратура. Бұл еліміздің барлық дерлік облыстарынан келген студенттер. 369-ы үздік дипломға ие болады.Университетімізде шетелдік студенттер де оқиды. Биыл 83 медицина түлегі Үндістан мен Бангладеш азаматтары. Алда, ПФ пен ИСТФ және шілденің 5-і күні АФ, МФ сондай-ақ, МЖҒФ түлектері дипломдарын алмақ.
