Оқу бітіру кеші аяқталды. Бүгін Агротехнологиялық және Медициналық, сондай-ақ, Математика және жаратылыстану ғылымдары факультеттерінің студенттері дипломдарын алды.
Рәсім барысында жауын-шашын мен қатты жел салдарынан қалада апат орнады. Бүкіл аудандар, соның ішінде университет кампусы қуатсыз қалды. Акт залда жарық сөнсе де, рәсім өз жалғасын тапты. Студенттер ұялы телефондарының шамдарын қосып, сахнаға шыққан түлектерге барынша қолдау көрсетті. Ата-аналар салтанатты сәтті тамашалау үшін мерекелік шара 1 корпустың фойесіне ауыстырылды.
Кейін электр қуаты қосылып, рәсім дәстүрлі форматта жалғасты. Алайда, келеңсіз жағдай орын алса да, біздің білім алушылар татулығымызды, бір-бірімізді қолдауға дайын екенімізді дәлелдеді.
Құрметті түлектер! Алда сіздерді күрделі міндеттер күтіп тұр. Біз сіздерді мақтан тұтамыз. Жаңа шыңдарды бағындырыңыздар! Сәттілік пен ақ жол тілейміз!
