9 және 11 шілдеде талапкерлер шығармашылық емтихан тапсырады. Қатысуға 218 өтінім келіп түсті. Болашақ дене шынықтыру және АӘД пәнінің мұғалімдері спорт зал, сондай-ақ «Жастар» стадионында жалпы дене шынықтыру және спорт түрлері бойынша нормативтерді орындады. «Мәдени-тынығу жұмысы» және «Музыкалық білім» мамандықтары бойынша білім алғысы келетін талапкерлер өздерінің музыкалық қабілеттерін домбыра, фортепиано, гитара т.б.аспаптарда ойнап, орындаушылық өнерлерін көрсете алды.
«Дизайн» білім беру бағдарламасына түсушілер берілген композицияны немесе кескіндеме жанрында өздерінің шеберліктерін көрсетті. Болашақ журналистер эссе жазып, сұхбаттасты.
Маңызды! Биыл жоғарыда аталған бағыттар бойынша ақылы негізде оқығысы келетін талапкерлерге шығармашылық емтихан тапсырудың тағы бір бірегей мүмкіндігі болады! Олар қосымша 12 және 14 тамызда өткізіледі.
