Бұл көрсеткіштің былтырғы жылдан 270-ке жоғары екендігі қуантады. Сонымен қатар, 500 бала Аризона университетімен қос диплом бағдарламаларына грант алды. Бұл Қазақстанның барлық өңірлерінен және таяу шетелден келген талапкерлер. Солардың бірі Айдана Омарова. Ол Астанадан келіп, барлық құжаттарды рәсімдеп үлгерді.
«Мен, Назарбаев Университетіне түсу үшін жеткілікті балл жинадым, бірақ Аризона университетімен биотехнология бойынша қос диплом бағдарламасын таңдадым. Бұл менің болашақ мансабым үшін перспективалы болмақ. Бағдарлама туралы 9-сыныпта оқып жүргенде білдім, кейін осында оқуға түсуді ұйғардым», - деп бөлісті Айдана.
136 адам су тасқынынан зардап шеккен аймақтар үшін берілген квота бойынша, грантқа түсті. Қосымша «Қазақстан халқына» қорынан, Freedom bank, KAZENERGY қауымдастығынан, СҚО әкімдігінен гранттар бөлінеді.
«Қазір ЖОО-да жаңа оқу жылына дайындық жұмыстары жүргізілуде : корпустар мен жатақханаларды жөндеу, студенттердің жайлы тұруы үшін жиһаз және тұрмыстық техника сатып алынды. Университетке СҚО әкімдігінен үлкен қолдау көрсетіледі: ЖОО-ға берілетін 1200 орындық жатақхананың құрылысы аяқталуда. Сондай-ақ 306 орындық жатақхана пайдалануға берілді. Жатақханалардағы орындар саны 1800. Жаңа жатақханалар енгізілген кезде бұл көрсеткіш шамамен 3.000-ға дейін артады. Осылайша, Қозыбаев университеті таяу шетелден келген студенттерді жатақханаларда 100% орындармен қамтамасыз етеді», – деді Басқарма Төрағасы- Ректор Ербол Исақаев.
Айта кетейік, құжаттарды рәсімдеу 25 тамызға дейін жүргізіледі.