Қозыбаев университетінің Агротехнологиялық факультетіне Гогенгеймлік университетінің (Германия) екі жас зерттеушісі — Киношита Норико және Августин Рика магистранттары келді.
Білім ордамызда қонақтарды Басқарма Төрағасы-Ректор Ербол Исақаев қарсы алды: «Агротехнологиялық факультет-ғылым, ғалымдарды тарту, жобаларды жүргізу тұрғысынан ең үздік факультеттердің бірі. ЖОО-дағы уақытыңызды тиімді өткізіңіздер. Біз Қытайдағы серіктес университетімізден тағы 23 магистрант күтеміз. Олар да АФ-қа келеді. Менің ойымша, сіздер бірлесіп, жемісті жұмыс атқарасыздар. Бізге жақсы ғылыми идеялар керек. Әрқашан жаңа жобаларға ашықпыз».
Тағылымдама аясында неміс зерттеушілері Органикалық ауыл шаруашылығына қатысты жобалармен жұмыс істейтін болады, бұл біздің университеттің негізгі бағыттарының бірі. Киношита Норико мен Августин Рика да СҚО-ның бірқатар агроқұрылымдарына барды, олармен біздің ЖОО-да берік әріптестік қарым-қатынас орнады.
Органикалық ауыл шаруашылығы экологиялық тұрақтылық пен азық-түлік қауіпсіздігін қамтамасыз етуде маңызды рөл атқарады. Біз өнімнің сапасын арттыруға және табиғи ресурстарды сақтауға мүмкіндік беретін үлкен перспективаларды байқадық. Hohenheim университеті зерттеушілерінің қатысуы озық тәжірибелер мен технологияларды енгізуге, сондай-ақ, халықаралық ғылыми көкжиектерімізді кеңейтуге көмектеседі.
Неміс зерттеушілері қазан айының соңына дейін Қозыбаев университетінде болады.
