Басқарма Төрағасы-Ректор Ербол Исақаев СҚО Мемлекеттік басқару академиясының тыңдаушыларына дәріс өткізді. Кездесуде ол Қозыбаев университетінің даму перспективалары және Аризона университетімен ынтымақтастық туралы айтты.
«Бұл өңірлік университет базасында шетелдік жоғары оқу орнының филиалын құру бойынша еліміздегі алғашқы бірегей жоба. Дәл осы стратегиялық әріптестік ҚР Президентінің тапсырмасы бойынша жүзеге асырылды. Бүгінгі таңда еліміздің түкпір-түкпірінен келген балалар біздің ЖОО-ға оқуға келеді. Сондай-ақ, шетелден келіп жатқан білім алушылар да бар.Ал 2025 жылы 40 - қа жуық студент АҚШ-та оқу үшін Аризона университетіне барады», - деп атап өтті ректор.
Біздің университет өңірдегі қала құраушы кәсіпорындардың бірі болып табылады. Біз оқытушылар мен студенттердің білім алуы үшін жайлы жағдай жасаймыз.
«Қазіргі уақытта университет 3 ірі нысанды қабылдайды. Бұл жаңа Оқу-зертханалық ғимарат. Сондай-ақ 1200 орындық жатақханалардың құрылысы аяқталуда. Бізге Театральная көшесі бойынша 306 орындық жатақхана беріледі. Қолайлы ортада үздік, шетелдік және жергілікті оқытушыларды тартуға мүмкіндігіміз бар», - деді Ербол Исақаев.
Қозыбаев университеті Директорлар кеңесінің мүшесі, СҚО МБА профессоры Анатолий Башмаков Kozybayev University өңірдегі жалғыз ЖОО екенін және бұл тек білім беру жүйесі ғана емес, сонымен қатар ұлт құрушы құрылым екенін атап өтті.
