«Мектепке жол» акциясы аясында Қозыбаев университетінде басшылық, қызметкерлермен және олардың балаларымен кездесу өткізді. Кәсіподақтан екі отбасына материалдық көмек көрсетілді. 9 отбасынан шыққан 21 балаға кеңсе тауарлары салынған рюкзактар мен спорт дүкеніне сертификаттар табысталды.
«Акция аясында біз қызметкерлеріміздің отбасыларына көмектесуге және қолдау көрсетуге шешім қабылдадық. Жұмысыңыз үшін рахмет. Әр балаға спорттық киім немесе аяқ киім сатып алуға сертификаттар беріледі. Оқушылар жаңа оқу жылында үздік нәтижелер көрсетіп,ата-аналарын қуанта берсін»,-деді Басқарма мүшесі Азамат Жикеев.
Баталовтар отбасы Виталий мен Светлана көптеген жылдар бойы университетте жұмыс істейді.Бүгінде 5 бала тәрбиелеп отыр. Дайын рюкзакты олардың ұлы Дмитрий алды.
«Басшылыққа үлкен алғыс айтамыз, әрдайым қол ұштарын созып, көмек көрсетуге дайын тұрады. Енді міне, мектепке толығымен рюкзак жинап берді. Бұл біз үшін үлкен қолдау»,- деді Светлана Баталова.
Естеріңізге сала кетейік, «Мектепке жол» акциясы аз қамтылған және көп балалы отбасылардан шыққан оқушыларды, жетім қалған балаларды және жаңа оқу жылына дайындықта ата-анасының қамқорлығынсыз қалған балаларды материалдық қолдауға бағытталған.
