СҚО Өңірлік коммуникациялар қызметінде Қозыбаев университетінің оқу жылына дайындығы туралы брифинг өтті. Университетте грант иегерлерінің саны артты. Биыл ЖОО 1139 білім грантын алды. Оның ішінде 86-ТЖ квотасы бойынша. Аризона университетімен бірлескен білім беру және қос дипломды бағдарламаларға 507 грант бөлінді.
«Аризона университетімен Бб бойынша оқитын студенттердің жалпы саны 544 студентті құрайды. Оның ішінде 171 студент қос диплом бағдарламаларында, ал 373 студент бірлескен халықаралық білім беру бағдарламаларында оқиды. Сондай-ақ, студенттер бір семестрге Аризона университетінің негізгі кампусы орналасқан Тусонға барады. Оқыту, тұру, ұшу, виза және азық-түлік шығындарын Қозыбаев университеті төлейді», - деп атап өтті жобалық кеңсенің өңірлік менеджері Қайрат Сапаров.
ЖОО- дағы білім сапасы жоғары білікті кадрлық құрамды қамтамасыз етеді. Университетте 12 ғылым докторы, 39 PhD докторы, 108 ғылым кандидаты, 226 магистр жұмыс істейді. Биылғы оқу жылында АУ-нің 4 профессорлардың сапары туралы келісім бар. Қосдипломды бағдарламаларында оқытуға 25-ке жуық оқытушы, оның ішінде ағылшын тілі оқытушылары қатысады. Қазіргі таңда университет қаржылық жағынан тұрақты. ПОҚ мен қызметкерлердің жалақысы көтеріледі.Сонымен қатар, қыркүйектен бастап оқытушыларға ғылыми атақтары мен дәрежелері үшін қосымша ақы мөлшері ұлғайтылды.
Басқарма Төрағасы –Ректор Ербол Исақаев атап өткендей: «Философия докторы (PhD), бейіні бойынша доктор, ғылым кандидаты және қауымдастырылған профессор (доцент) ғылыми атағы үшін қосымша ақы 25 АЕК (92 300 теңге), ғылым докторы және қауымдастырылған профессор (доцент) ғылыми атағы үшін – 42 АЕК (155 064 теңге), философия докторы (PhD) дәрежесі үшін, бейіні бойынша доктор, ғылым кандидаты, ғылым докторы және профессор ғылыми атағы – 50 АЕК (184 600 теңге)».
Айтып өткен жөн, университетте жалпы жобалық қуаты 1365 орындық 4 студенттік жатақхана бар. Сондай-ақ, Петропавл қаласының әкімдігі 306 орындық жатақхананы тапсыру рәсімін жүзеге асырады, онда бөлмелерді жабдықтау бойынша жұмыстар жүргізіледі. Университет жиһаз, тұрмыстық техника, төсек-орын және ас үй жабдықтарын сатып алады. 24 пәтер шақырылған ғалымдар мен профессорларға арналған. 1200 орындық жатақхананың құрылысы аяқталуда. Студенттерді жатақханаға орналастыру мәселелері бойынша ақпараттандыру мақсатында университет базасында тәулік бойғы ахуалдық орталық құрылды