СҚО әкімінің орынбасары Жүсіп Жұмағұлов Қозыбаев университетінде болды. Кездесуде ЖОО басшылығымен танысты. Басқарма Төрағасы - Ректор Ербол Исақаев университет қызметінің негізгі бағыттары, жетістіктері мен жоғары білікті мамандарды даярлау, жаңа жатақханалар салу, сондай-ақ Аризона университетімен ынтымақтастық туралы баяндады.
«Университеттің әлеуеті зор екен. Біз барлық назарымызды университетке бағыттап, ЖОО игілігі үшін ғана емес, сонымен қатар өңір үшін де жемісті нәтиже көрсететін экожүйе құра аламыз»,- деп атап өтті облыс әкімінің орынбасары Жүсіп Рахатұлы.
Сонымен қатар, Аризона университетінің ғалымдары Ирина Панюшкина мен Чарльз Гербамен кездесті. Қонақтар Солтүстік Қазақстандағы ғылыми жобаларының жұмысымен бөлісті.
«Чарльз Герба ауыз судың сапасын және кәріз суларының микробиологиясын сынау бойынша жақсы әзірлемелерге ие. Ағынды суларда, ауыз суларда, кәріз суларында кездесетін бактериялар мен вирустар бақылау адам денсаулығы мен ауылшаруашылық өнімдерінің сапасы үшін маңызды. Чарльз Гербаның зерттеулері ішектің жұқпалы ауруларынан және су арқылы таралатын басқа вирустық аурулардан сақтануға көмектеседі. Біз Қозыбаев университетінің әріптестерімен облыстағы егістіктерде суару үшін пайдаланылатын судың микробиотасын анықтау бойынша жұмыс жасауға келдік. Қазақстанның солтүстігінде ирригациялық жүйелерді енгізу- ауыл шаруашылығы өнімдеріне су арқылы түсуі мүмкін инфекциялық бактериялардың тәуекелдерін дер кезінде бақылау маңызды»,-деді қауымдастырылған зерттеуші-профессор Ирина Панюшкина
