Қозыбаев университетінің ПО құрамы, қызметкерлері мен студенттері Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауын талқылады. Жолдаудың бесінші бағдары еліміздің кадрлық әлеуетін арттыру маңыздылығына арналып отыр. Осы орайда, Мемлекет басшысы Экономиканы білікті мамандармен қамтамасыз ету – аса өзекті міндет екенін атады. Ең алдымен, су, энергетика, құрылыс және басқа да салаларда қатты байқалып отырған кадр тапшылығын жою қажет. Сондай-ақ, болашақта сұранысқа ие болатын кәсіптер үшін білікті мамандар даярлау қажеттігін айтып өтті.
«Атап айтқанда, маман даярлауға берілетін мемлекеттік тапсырысты біртіндеп көбейткен жөн. Бұл тәсілді білім бағдарламасы заман талабына сай келетін өз оқу орындарымызға да қолдануға болады. Осы ретте грант құны жастарды сапалы оқытуға мүмкіндік беруге тиіс. Сондай-ақ жоғары оқу орындарындағы қолданбалы ғылымның әлеуетін арттырады. Жоғары оқу орындары ғана емес, техникалық және кәсіптік білім беру мекемелері де білікті кадрлар даярлауы қажет. Үкімет колледжде жақсы оқыған түлектерді мамандығы бойынша мемлекеттік қызметке алу мүмкіндігін қарастыруға тиіс»,-деді Президент.
Шара барысында баяндамашылар Жолдауда айтылған бастамалар туралы өз пікірлерін білдіріп, негізгі бағыттарын нақтылады.
«Қасым-Жомарт Тоқаев өз жолдауында біздің еліміздің экономикалық әлеуметтік дамуының негізгі бағыттарына тоқталды . Бұл өте маңызды саяси оқиға. Өйткені жыл сайын біз іске асырылған мәселелерге тоқталып алдымыздағы тұрған мақсаттарға назар аударуымыз қажет. Колледжден кейін келген білім алушылар 2 жыл ғана оқып жоғары білім алады-бұл бір бағыт, екінші бағыт кәсіптік бағдар беру. Колледждердегі оқу материалдық базасы жоғары. Сондықтан осы 5 жылдың ішінде біз жеткілікті жұмысшы мамандарын даярладық. 2025 жылы жұмысшы мамандар жылы деп жарияланғаны да маңызды деп санаймын»,- деді Тарих, экономика және құқық факультетінің деканы Зәуре Картова
«Президент өз сөзінде орман-тоғайлар жеріміздің 5% ғана алып жатқандығын атады. Менің ойымша, волонтерлік қызмет арқылы студенттер арасында көгалдандыру жұмыстарын насихаттауымыз қажет»,-деп бөлісті Қозыбаев университетінің студенттік омбудсмені Карима Жүнісова Талқылау қорытындысы бойынша, Қозыбаев ұжымы Президенттің биылғы Жолдауы Қазақстанның жаңа беттерін ашып, ел дамуына жаңа серпін беретіндігіне сенімді.
