Жаңа оқу жылындағы Ғылыми кеңестің алғашқы отырысы кеңейтілген форматта өтті. 43 оқытушы, қызметкерлер мен студенттер марапатталды.Ғылыми кеңестің шешімімен құрметті профессор атағы СҚО Ішкі саясат басқармасы басшысының орынбасары Кемел Оспановқа берілді.
«Фитохимия» ғылыми-өндірістік орталығы мен Қарағанды фармацевтикалық зауытының ұжымы Қозыбаев университетінің белгілі ғалымы, профессоры, химия ғылымдарының докторы Владилен Поляковты құттықтады. «Қаныш Сәтбаевтың 125-жылдық мерейтойы» медалімен профессорлар Жанбай Қадыров пен Павел Дмитриев марапатталды.
«Ана тілін дамытуға қосқан үлесі үшін» Қазақ тілі мен әдебиеті кафедрасының меңгерушісі Гүлмира Мұхамеджановаға төсбелгісі табыс етілді. Ғылымды дамытуға қосқан үлесі үшін профессор Жұмағали Әшімов «Ғылымды дамытуға сіңірген еңбегі үшін» төсбелгісімен марапатталды. Құрмет грамоталары: «Тіл жанашыры»– доцент Самал Қуанышпаеваға, «Ғылым үздігі» – АКТ кафедрасының меңгерушісі Ильдар Құрмашевке, «Жоғары және жоғары оқу орнынан кейінгі білім беру ісінің үздігі»– аға оқытушы, ауыл шаруашылығы ғылымдарының кандидаты Ақан Жүнісовқа берілді.
25-тен астам қызметкер мен ПОҚ ҚР ҒЖБ министрлігінің Құрмет грамоталары мен алғыс хаттарына ие болды.Сондай-ақ, бұл күні әріптестерімізді философия докторы PhD, Қабылдау департаментінің директоры Гүлмира Оспанованы, постдокторант Әлия Айтымова мен Құрылыс және дизайн кафедрасының меңгерушісі Анна Шапореваны академиялық дәрежесінің берілуімен құттықтады. Су тасқынынан зардап шеккендер үшін салынып жатқан «Солнечный» шағын ауданындағы үйлердің құрылыс жұмыстарына белсенді қатысқаны үшін Петропавл қаласы әкімінің алғысын Артур Гайсин, Родион Долотин, Даниил Коржов, Даниил Мажукин алды.
