Қозыбаев университетінің Басқарма Төрағасы – Ректор Ербол Исақаев пен Аризона университетінің вице-президенті Дженни Ли брифингке жиналғандарды екі университет арасындағы халықаралық ынтымақтастықтың дамуы туралы хабардар етті. Өңірлік коммуникациялар қызметінің алаңында қос дипломдық бағдарламаларды жүзеге асыру бойынша стратегиялық серіктестік мәселелері көтерілді.
Бүгінде олар үш бағытта жұмыс істейді: IT, биотехнология және инклюзивті білім беру. Келесі жылы 40 студентіміз Тусонда орналасқан Аризона университетінің негізгі кампусына оқуға барады. Оқуға, тұруға, ұшуға, визаға және тамақтануға байланысты барлық шығындарды Қозыбаев университеті төлейді. Бұл қазақстандық студенттер үшін бірден екі диплом алудың бірегей мүмкіндігі: Қозыбаев университеті мен Аризона университетінің. Спикерлердің хабарлауынша, алдағы 3 жылда қос дипломды 3 жаңа білім беру бағдарламасы ашылады: «Бизнес және менеджмент», «Жалпы медицина» және «Су ресурстары». Серіктестіктің келесі кезеңі– бірлескен ғылыми зерттеулер жүргізу.
«Мемлекет басшысы өз Жолдауында су ресурстарына, ирригацияға, ауыл шаруашылығын дамытуға баса назар аудару қажеттілігі туралы айтты. Бүгін серіктес делегацияның сапары дәл осы мәселелерді талқылауға бағытталды. Университетіміздің базасында стратегиялық әріптесімізбен бірлесіп, ғылыми бағдарламаларды іске асыру жұмыстары жүргізіледі. Су ресурстары, азық-түлік қауіпсіздігі, ауыл шаруашылығы, топырақ құнарлылығы сыңды өңір мәселелеріне байланысты болады. Қазірдің өзінде Аризона университетінің ғалымдары АҚШ Ауыл шаруашылығы министрлігінің гранттық жобасы аясында су (суару технологиялары) бойынша арнайы ғылыми зерттеулер жүргізеді. Өткен аптада ғана зерттеудің бірінші кезеңі аяқталды. Ынтымақтастық үшін бұл өте жақсы негіз деп санаймыз»,- деді Ербол Исақаев.
«Біз бірлескен бағдарламалар бойынша студенттерді оқыту үшін үздік оқытушыларды тартамыз. Балалардың сапалы білім алып, қоғамымыздың дамуына үлес қосу мүмкіндіктері жоғары. Сапардың негізгі мақсаттарының бірі- студенттерге жатақхана ашу. Солтүстік Қазақстан облысының әкіміне осы жобаны жан-жақты қолдағаны үшін алғысымды білдіргім келеді. Біздің мақсатымыз жас буынның әлемдік деңгейдегі білім алуларына қолдау көрсету.Қозыбаев университетімен серіктестігімізді жоғары бағалаймыз!»,- деп Дженни Ли атап өтті.