ҚР ҒЖБ министрі ЖОО профессорлық-оқытушылық ұжымымен кездесу өткізді. Ол университеттердің ғылыми-зерттеу қызметінің трансформациясы туралы айтты. Бүгінгі таңда, ғылым экономиканың нақты секторында жұмыс істеуі керек. Мұнда жеке сектордың инвестицияларын тарту, әлемдік ғылыми жетістіктерге сүйену, ғылыми орталықтармен ынтымақтасу, жергілікті атқарушы органдардың қолдауын пайдалану өте маңызды. Өңірімізге Аризона университеті келгелі біздің ЖОО ғалымдары агротехникалық, ауылшаруашылық және басқа да зерттеулерде олардың технологияларын қолданады.
«Бүгінде Қозыбаев университеті ғалымдарының ғылыми жобаларын гранттық қаржыландыру көлемі 700 млн. теңгеден асады. Енді ЖОО академиялық шеберлік орталықтарын құру жөніндегі бағдарламаға кірді және жыл сайын зертханаларды қайта жарақтандыруға, ғалымдардың біліктілігін арттыруға және т.б. қосымша қаржы алатын болады. Сондықтан студенттерді оқытып қана қоймай, сіздер жаңа шешімдер құрасыздар. Осыдан кейін ғана іске асырудың жаңа жолдары пайда болады», - деп атап өтті Саясат Нұрбек.
