Мемлекет басшысының 2024 жылғы Жолдауында айтылған бастамаларды талқылауға арналған диалог алаңы студенттерді, оқытушыларды және Amanat партиясының өкілдерін жинады. Шараға қалалық мәслихат депутаты Елена Семидоцких пен студенттік омбудсмен Карима Жүнісова қатысты. Студенттерге бағдарламалық құжаттың негізгі тұстары туралы айтылды.
Президент экономиканы білікті кадрлармен қамтамасыз етуді ең өзекті міндет деп атады, жұмысшы мамандықтарға ерекше назар аудару керек. Жолдаудағы Агроөнеркәсіп кешенін дамыту бағытындағы міндеттер туралы агрономия және орман шаруашылығы кафедрасының меңгерушісі Фариза Мұқанова баяндады.Мемлекет басшысы көтерген тағы бір тақырып – АЭС. Еліміздің электр қуаты тапшылығына ұшырау қауіпі бар. Сондықтан экологиялық таза энергия көзі – атом электр станциялары болуы мүмкін.
«Қазақстан жаңартылатын энергия көздерін пайдаланады. Бірақ, өкінішке орай, олар тұрақты емес, елдегі бар сұранысты өтей алмайды. Сондықтан еліміздің одан әрі дамып, жаңа өңдеу кәсіпорындары ашылуы үшін бізге атом энергиясы қажет», – дейді Amanat партиясы «Болашақ» филиалы төрағасының бірінші орынбасары Александр Зель.
