Қозыбаев университеті мен Аризона университетінің ұжымы кәсіптік бағдар беру жұмыстарымен Астана және Алматы қалаларында болды. 9 халықаралық мектептерді, НЗМ және гимназияларды аралады. Барлығы 600-ден астам адам Қозыбаев университеті мен Аризона университетінің бірлескен қос дипломдық білім беру бағдарламалары, оқуға түсу мүмкіндіктері, оқу шарттары және студенттердің жатақханаларда тұру жағдайлары туралы ақпарат алды.
Кәсіптік бағдар беру пулына Академиялық мәселелер жөніндегі Басқарма мүшесі Рената Апергенова, Қабылдау департаментінің директоры Гүлмира Оспанова, Аризона университетінің профессорлары мен қызметкерлері Саманта Орчард, Тони Спаркс, Дайана Дейли, Кейтлин Мараджи кірді.
Мектеп оқушылары қазақстандық және американдық 2 диплом алу мүмкіндігінің бар екенін біліп, қызығушылық танытты. Сонымен қатар, гранттар бойынша оқыту толығымен ағылшын тілінде жүргізіледі. Қабылдау департаменті болашақта Қозыбаев университетіне оқуға түсуге ниет білдірген оқушылармен жұмысын жалғастырады, құжаттарды тапсыру және өңдеу, мамандық таңдау және т.б. мәселелер бойынша көмек көрсетеді.
