Сыбайлас жемқорлыққа қарсы жұмыс – ЖОО қызметінің маңызды құрамдас бөлігі болып табылады. Біз еліміздің жоғары оқу орындарының ішінде алғашқылардың бірі болып ҚР Академиялық адалдық лигасына қосылдық. Университетте 6 жылдан астам «Sanaly Urpaq» жобалық кеңсесі жұмыс істейді. Оған студенттер арасынан сыбайлас жемқорлыққа қарсы қозғалыс белсенділері қатысады. Сондай-ақ «Сыбайлас жемқорлыққа қарсы мәдениет негіздері» элективті курсы енгізілді.
Осылайша, «Адалдық сағаты» республикалық іс-шарасы аясында студенттерге сыбайлас жемқорлыққа қарсы заңнаманың негіздері таныстырылды.Кездесуде баяндамашылардың бірі, ҚР Сыбайлас жемқорлыққа қарсы іс-қимыл агенттігінің СҚО бойынша департаментінің қызметкері Екатерина Әубәкірова өскелең ұрпақты адалдық рухында тәрбиелеуге шақырды:«Әр облыста сыбайлас жемқорлыққа қарсы құқық бұзушылықтарды анықтау, жолы және алдын алу жұмыстары жүргізілуде. Біздің жұмысымыздың негізгі бағыты – алдын алу. Себебі оның салдарымен күресу әлдеқайда қиын».
Шарада студенттерді қызықтыратын барлық сұрақтарға тиісті түсініктемелер берілді. Қатысушылар жастардың сыбайлас жемқорлықпен белсенді күресудегі рөлін талқылады.
