Оқу ордамызда көптеген ұсыныстар мен танысуларға, фотосуреттер мен көрмелерге толы студенттік ұйымдардың жәрмеңкесі өтті. Әрбір ұйым мүшелері өз өнерлерін ортаға салып, алғашқы курс студенттерін ұйым-клубтарының бағыттарымен, жыл бойына атқаратын жұмыстарымен таныстырды. Атап айтқанда: Қазақстан студенттерінің альянсы, Қозыбаев университеті студенттерінің кәсіподақ ұйымы, Enactus (көшбасшылық, кәсіпкерлік және олардың жобаларын ілгерілету саласындағы қауымдастық), SHYN пікірсайыс клубы, үстел ойындары клубы, психологиялық Клуб, Жайдарман/КТК командасы, «Антурнан» хореографиялық ансамблі. Сондай-ақ, университеттің студенттік театрлары: «Пилигрим», «Кривое зеркало», «Шаңырақ». Бүгінде KU-да спорт секциялары, ғылыми-зерттеу қоғамдары, студенттік телестудия, киберклуб, «Шертер» халық-аспаптар ансамблі, волонтерлік ұйымдар, ағылшын тілі клубы және т.б.бірлестіктер бар. Студенттік өмірді қызықты еткің келсе, студенттік бірлестіктер қатарына қосыл!
