ЖОО-ның тарих мұражайының қабырғасында көрнекті ғалым, белгілі археолог Виктор Зайбертке арналған естелік кеш өтті. Виктор Федоровичтің туыстары, достары, әріптестері мен шәкірттері естеліктерімен бөлісіп, оның ғылыми мұрасы туралы әңгімеледі.
Виктор Зайберт– тарих ғылымдарының докторы, археология профессоры, Қазақстанның Әлеуметтік ғылымдар Академиясының корреспондент-мүшесі, әйгілі ғалым. Бүкіл әлемге ботай мәдениетін таныстырған. Жүзден астам ғылыми мақалалар мен монографиялардың авторы. Кембридж, Оксфорд, Белфаст, Ньюкасл және Эдинбург университеттерінде «Еуразия археологиясы» атты тақырыбында бірқатар дәрістер оқыды. Ғұмырының көп бөлігі біздің университетпен байланысты: студенттерге дәріс оқып, ғылыми орталықты басқарды, кафедра меңгерушісі, университеттің студенттері мен оқытушылары қатысатын Солтүстік Қазақстан археологиялық экспедициясының жетекшісі болды. Қозыбаев университетінің тарих мұражайында көрнекті ғалым Виктор Федоровичке арналған зал ашылды.
