Алматы менеджмент университеті (AlmaU) және Қозыбаев университеті СҚО бизнес-қоғамдастығының өкілдері үшін дәстүрлі ашық MBA-Day күнін өткізді. AlmaU – мен серіктестіктің арқасында біздің ЖОО-да MBA – «Іскерлік әкімшілендіру магистрі» бағдарламасы жұмыс істейді. Ол жоғары және орта буын басшыларына, бизнес иелеріне арналған. Оқу мерзімі – 2 жыл. Бүгінде оның тыңдаушылары 38 адамды құрайды. ПОҚ, кәсіпкерлер мен өңір компанияларының басшылары, AlmaU Жоғары бизнес мектебінің үздік жаттықтырушыларының шеберлік сабақтарына қатысты.
Қазақстанның тәуелсіз кәсіби бағдар беруші және кәсіптік кеңес берушілер қауымдастығының президенті, халықаралық деңгейдегі жаттықтырушы Мадина Билялова жеке тұлғалық тиімділікті арттыру жолдары туралы айтып берді. Ал ірі жобаларының негізін қалаушы «От таксиста до миллионера» кітабының авторы Тимур Құдайбергенов «Психотиптерді басқару: жалдау, мотивация, делегация» шеберлік сабағын өткізді.Кездесуге қатысушыларға заманауи басқарушылық білім мен дағдыларды игеруге, бизнес-ортада еркін жұмыс жасауға мүмкіндік беретін МВА бағдарламасы таныстырылды.
«Алматы менеджмент университеті мен Қозыбаев универсииетінің басқарушылық шешімдер қабылдаудың жаңа деңгейіне шыққысы келетін компаниялардың басшылары мен иелері үшін бірлескен MBA бағдарламасы әзірленді. 2023 жылдың көктемі мен күзінде алғашқы MBA бағдарламалары іске қосылды. Қатысушыларды бірінші курстың сәтті аяқталуымен және жаңа оқу жылының басталуымен құттықтаймын! Қазақстандағы үздік өңірлік ЖОО-Қозыбаев университетінің базасында-жаңа топ құрылады. Тыңдаушылар ыңғайлы модульдік форматта оқитын болады. Оқу нәтижелері бойынша бірден екі диплом алады: Қозыбаев универсииеті және AlmaU», – деп атап өтті Астана қаласындағы AlmaU өкілдігінің директоры Динара Қайралапова.
Біздің түлектер AMBA сертификаттарын алады. Бүгінгі таңда әлемдегі ең үздік 285 бизнес-мектептің бағдарламалары AMBA аккредитациясына ие. Олардың ішінде ТМД елдерінің бизнес-мектептері: 14 ресейлік, 2 украиндық және бір қазақстандық (AlmaU). AMBA аккредитациясы МВА түлектеріне олардың дипломдарын бүкіл әлемде тануға кепілдік береді.
