Биыл Жошы Ұлысына– 800 жыл. Айтулы күні университетімізде «Жошы Ұлысы: мұра және оның Еуразиялық кеңістік тарихындағы рөлі» атты халықаралық ғылыми-теориялық конференция өтті. Жиынға оқу ордамыздың ПОҚ, еліміздің тарихшыларынан бастап, алыс-жақын шетелдегі айтулы ғалымдар қатысты. Шарада Жошы ұлысының тарихы терең ашылды.
Алдымен, СҚО Ішкі саясат басқармасы басшысының орынбасары, СҚУ құрметті профессоры Кемел Оспанов Жошы хан туралы құнды деректерді ортаға салды: «Шыңғыс ханның үлкен ұлы Жошы хан тарихта көрнекті әскери басшы, билеуші ғана емес көреген, дана тұлға ретінде есте қалды. Бұл- мемлекеттің тұғырын нығайтып, тәртіп орнатып, құқықтық жүйе қалыптастыру кезеңі болды. Бүгінде Жошы ұлысының 800 жылдығын тойлай отырып, біз Жошы ханға бостандық пен тәуелсіздік үшін күресіп, ел мен жер үшін жанын қиюға дайын болған ата бабамыздың батырлық рухына даналығына құрмет көрсетеміз».
Сонымен конференция аясында Қазақстан мен Жошы ұлысының тарихы мен мәдениетіне, сондай-ақ ірі мемлекеттердің тарихына, көшпелілер мәдениетінің бүкіл әлемдегі орны мен рөліне, көшпелі мемлекеттердегі орын алған саяси оқиғаларға қатысты ғылыми мәселелер талқыланады.
