Биыл Қазақстанда алғаш рет 1 қазанда Жоғары білім қызметкерлері күнін атап өтеміз. Қадірлі әріптестер, білім саласының қызметкерлері, төл мерекелеріңіз құтты болсын! Жоғары оқу орындарында қызмет етіп, жас мамандарды даярлауға өз үлесін қосып жүрген әрбір ұстаздың мерекесі.
Университетімізде қызмет атқаратын құрметті профессор-ғалымдарымыз бен ұстаздарымыз өз ісінің кәсіби мамандары, еліміздің жоғары білім беру жүйесінің, арқа сүйейтін абыройы
биік тұлғалары. Сонымен қатар әкімшілік-басқару персоналы, кітапханашылар, заңгерлер, есепшілер, персоналды басқару және баспасөз қызметкерлері, әкімшілік-шаруашылық бөлімі мен, білім беру, ғылым салаларының өкілдері Сіздердің тынымсыз еңбектеріңіздің арқасында университет жұмысы жетіліп дамуда. Бүгінгі таңда университетіміздің ұжымы 850-ден астам адамды құрайды. Олардың басым бөлігі педагогикалық қызметкерлер. Баршаңызды кәсіби мерекемен құттықтаймын, сіздерге зор денсаулық, табыс тілеймін. Ортақ үйіміз – Қозыбаев университеті гүлдене берсін!
