«Дене шынықтыру және спорт» кафедрасының еңбек сіңірген профессоры, б.ғ. к., доцент Қасия Кангужинаның 75 жылдық мерейтойы өтті.
Біздің университетте ол лаборант қызметкерден дене шынықтыру факультетінің деканы лауазымына дейін көтерілді. Бүгінде студенттерге сабақ береді, магистрлік және дипломдық жобаларды басқарады. Дене белсенділігінің адам ағзасына әсерін зерттеу бағытында ғылымда үлкен жетістіктерге қол жеткізді. Оның басқаруымен 3 патент алынды, 200-ге жуық ғылыми еңбектері жарық көрді.
Қасия Мурзахметқызын арнайы құттықтау үшін әріптестері, достары, шәкірттері жиналды. Олардың арасында танымал спортшылар, жаттықтырушылар, педагогтар, мемлекеттік қызметкерлер бар. ҚР Туризм және спорт вице-министрі Серік Жарасбаев, ҚР Туризм және спорт министрлігі жанындағы ФКС комитеті Ұлттық және Ат спорты түрлері орталығының директорының орынбасары Қарлығаш Рамазанова бейне роликпен құттықтау жіберді.
ҚР Президенті жанындағы Мемлекеттік басқару академиясының ГФҚ директоры Лаура Қайыржанова оқу жылдары туралы естеліктерімен бөлісіп, құттықтады. Қасия Мурзахметқызын шәкіртері ,сабырлы әрі ақкөңіл, өз ісінің үлкен маманы деп сипаттайды. Ол көптеген білім алушыларына кәсіпте көмектесіп, қолдау көрсетті. Мерейтой иесіне игі дәстүр бойынша туған ЖОО-дан шапан жабылды және естелік сыйлықтар табысталды. Сондай-ақ, ҚР Туризм және спорт министрінің атынан құттықтау хаты жіберілді. Қасия Мурзахметқызына денсаулық, табыс, амандық тілейміз!
