Оқу ордамызда Қарттар күні мен Жоғары білім қызметкерлерінің күні аталып өтті. Университет ұжымында ұзақ жылдар еңбек етіп, жас мамандарды дайындауға өлшеусіз үлес қосып келе жатқан ПОҚ мерекелік кештің құрметті қонақтарына айналды. Ардагерлерге арнап дастархан жайылды, гүл шоқтары табысталды. Кеште профессор, ардагерлер, ұстаздар мен қызметкерлердің жоғары кәсібилігі мен қарқынды еңбектері бағаланды. Жиналғандар үшін концерттік бағдарлама ұйымдастырылды.
Сондай-ақ, Жоғары білім қызметкерлері күніне орай бірқатар қызметкерлер мен оқытушылар ҚР ҒЖБМ мен Қозыбаев университетінің марапаттарына ие болды. Ұстаздар- даналық пен әділеттіліктің үлгісі. Олар біздің балаларымыздың тағдыры мен болашағы үшін үлкен жауапкершілікті арқалап келеді. Қадірлі ардагерлер, құрметті әріптестер! Сіздерді осындай жарқын мерекелеріңізбен құттықтаймыз! Игі істеріңіз өркендей берсін. Жаңа жетістіктеріңізге табыс тілейміз. Өнерлі әрі дарынды шәкірттеріңіз көп болсын!
