Назарбаев Университетінің ISSAI- Institute of Smart Systems and Artificial Intelligence институты, жасанды интеллект, машиналық оқыту, зияткерлік жүйелер (робототехникадағы ЖИ), сөйлеу технологиялары төңірегінде қызмет атқарады. Оның атқарушы директоры Ербол Абсалямов ақылды жүйелер, машиналық оқыту, лингвистика саласындағы жобалармен жұмыс істейтін Қозыбаев университетінің профессор-оқытушылар құрамына, докторанттарға, постдокторанттарға, ғалымдарға арналған ЖИ мәселелері бойынша семинар өткізді.
Бүгінгі таңда денсаулық сақтау (рентген-суреттерді визуализациялау және патологияларды анықтау, виар-көзілдіріктердің көмегімен есте сақтау қабілетін жақсарту), мемлекеттік басқару (кеденде көлік құралдарын жіктеуге арналған ЖИ негізіндегі моделі), тұлғалардың биометриялық аутентификациясы, интернеттен объектілерді іздеу және т.б. саласында бірқатар ISSAI жобалары жүзеге асырылды. Институттың маңызды зерттеулеріне сөйлеу қосымшаларына арналған цифрлық өнімдерді әзірлеу кіреді: қазақ тілін мәтінге түрлендіру моделі, қазақ тіліне арналған GPT чаты.Осының барлығы ҚР цифрлық инфрақұрылымына үлкен үлес қосады.
Зерттеулер жасанды интеллект саласындағы ең заманауи технологияларды ұсынатын NVIDIA DGX суперкомпьютерлерін пайдаланады. Өткен жылдан бастап ISSAI отандық университеттер арасында жасанды интеллект бойынша зерттеулерді ілгерілету үшін осы серверлерге тегін қолжетімділікті қамтамасыз етіп келеді.
