Халықаралық кампустың атқарушы директорының бос лауазымына орналасуға конкурс жариялау туралы

"М. Қозыбаев атындағы Солтүстік Қазақстан университеті" КЕАҚ халықаралық кампустың атқарушы директоры лауазымына орналасуға конкурс жариялайды.

Лауазымға қойылатын талаптар: шетелдік ЖЖОКБҰ-да алған не "Болашақ" халықаралық стипендиясы шеңберінде шетелде тағылымдамадан өткен жоғары және жоғары оқу орнынан кейінгі білім; білім беру ұйымдарында басшылық лауазымдарда кемінде үш жыл жұмыс өтілі; ағылшын тілін білуі;ғылыми немесе академиялық дәрежесінің болуы.

Конкурсқа қатысу үшін қажетті құжаттар: 

Университетте жұмыс істейтін және конкурсқа қатысуға үміткер тұлға:

1) конкурсқа қатысу туралы өтініш;

2) 5-7 слайдтан аспайтын презентация түріндегі факультеттің Даму стратегиясы (декандар), Департаменттің немесе бөлімнің (директорлар/басшылар) даму перспективалары. 

Университетте жұмыс істемейтін және конкурсқа қатысуға үміткер тұлға:

1) конкурсқа қатысу туралы өтініш;

2) еркін нысанда жазылған өмірбаян;

3) білім туралы құжаттардың көшірмелері;

4) еңбек кітапшасының (болған кезде) немесе еңбек шартының көшірмесі не соңғы жұмыс орнынан еңбек шартын қабылдау және тоқтату туралы бұйрықтардан үзінді көшірмесі;

5) «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген нысан бойынша денсаулық жағдайы туралы анықтама;

6) адамның қылмыстық құқық бұзушылық жасағаны туралы Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті беретін есепке алу жөніндегі мәліметтердің болуы не болмауы туралы анықтама.

7) 5-7 слайдтан аспайтын презентация түріндегі факультеттің Даму стратегиясы (декандар), Департаменттің немесе бөлімнің даму перспективалары (директорлар/басшылар/бас менеджерлер). 

Құжаттар хабарландыру жарияланған сәттен бастап 10 күнтізбелік күн ішінде қабылданады.

Құжаттар мына мекен-жай бойынша қабылданады: Пушкин көшесі, 86, № 2 корпус, № 219 кабинет, тел. 36-94-68.