ЖОО кәсіптік бағдарлау науқаны басталды. Бүгін университет командасы Шал ақын ауданының басшылығымен және мектеп оқушыларымен кездесу өткізді. 11-сынып оқушылары, аймақтағы жалғыз жоғары оқу орнының қызметі мен Аризона университетімен қос диплом бағдарламаларында оқу мүмкіндіктері жайлы, кадрларды даярлаудың үш деңгейлі жүйесі, мамандықтар және жұмысқа орналасу туралы толық ақпарат алды.
«СҚО оқушыларымен кездесу-біздің ЖОО-ның жақсы дәстүрі. Бүгінгі таңда Қозыбаев университеті елдегі ең ірі аймақтық университеттердің бірі. Бізде 12 ғимарат, 3 жатақхана, бірегей обсерватория және бассейн бар. Оқу ордамыздың ерекшелігі- Аризона университетімен ынтымақтастық. Жалпы, еліміз бойынша шетелдік жоғары оқу орындарының 23 филиалы жұмыс істейді. Сіздердің өз өңірлеріңізде сапалы шетелдік білім алу мүмкіндігіңіз бар. Студенттеріміз семестр бойы АҚШ-та тегін оқиды. Барлық шығындарды ЖОО төлейді. Бірлескен бағдарламаларда оқыту гранттар бойынша жүргізіледі. Ал түлектер бірден екі диплом алады», – деді Басқарма Төрағасы – Ректор Ербол Исақаев.
Қос дипломды бағдарлама бойынша білім алып жатқан студент Амир Агзамов оқудан алған әсерімен бөлісті. Сондай-ақ, факультеттердің, Қабылдау және рекрутинг жөніндегі кеңсенің өкілдері сөз сөйледі. Қаржылық сауаттылық және буллинг алдын алу бойынша шеберлік сыныптары аудиторияның ерекше қызығушылығын тудырды. Мектеп түлектері факультеттер мен жоғары оқу орнына түсу шарттары туралы презентациялық материалдармен танысты. Іс-шараға барлығы 160-тан астам бала қатысты. Бұл күні Қозыбаев университеті мен Шал ақын ауданының әкімдігі арасындағы ынтымақтастық туралы Меморандумға қол қойылды.
