ЖОО-да «Дене тәрбиесі мен алғашқы әскери және технологиялық дайындық процесінде оқытудың инновациялық әдістері» атты республикалық ғылыми-теориялық конференция өтті. Оны Қозыбаев университеті және ҚР Ұлттық ұлан Академиясының өкілдері ұйымдастырды.
Қатысушылар қатарында ғалымдар, білім беру саласындағы мамандар, ЖОО оқытушылары, магистранттар, студенттер, білім беру ұйымдарының жаттықтырушылары, офицерлер бар. Конференцияда студенттер мен курсанттар дене шынықтырудың әлеуметтік-педагогикалық функциялары, спорттық мәдениетті қалыптастырудың философиялық аспектілері, білім алушылардың ұлттық бірегейлігін қалыптастырудағы алғашқы әскери және технологиялық даярлықтың рөлі туралы баяндамалар жасады. Сондай-ақ, спикерлер жалпы білім беретін мектепте АӘ мен ТД өткізуде интерактивті әдістерді қолдану мәселелерін талқылады. ҚР Ұлттық ұлан Академиясының курсанттары әскери ЖОО-да дене шынықтыру даярлығы процесінде болашақ офицердің жеке басының ерікті қасиеттерін дамытудың кешенді бағдарламасын ұсынды.
