Қозыбаев университетінде «Срочник 2.0» бағдарламасы бойынша ЖОО-ға түскен 4 студент оқиды. Бұл бастама біздің жоғары оқу орны мен ҚР Қорғаныс министрлігі арасында қол қойылған Келісім шеңберінде іске асырылады. Жоба Азаматтарға әскери қызметтен кейін ұлттық бірыңғай тестілеусіз тегін білім алуға мүмкіндік береді. Әскери қызмет барысында олар жауынгерлік дайындық, тәртіп, психологиялық жағдайды бағалау және басқа көрсеткіштер үшін ұпай жинайды.
«Мен Семей қаласының 44793 бөлімінде әскери борышымды өтедім. Әскери мамандығым бойынша жүргізуші-электрик болдым. 2.0 бағдарламасымен сертификат алып, тегін оқуға түстім. Қазіргі таңда Қозыбаев университетінде «Дене шынықтыру және бастапқы әскери дайындық» мамандығы бойынша оқып жатырмын. ҚР Қорғаныс министрлігіне алғысымды білдіремін. Әр азамат үшін әскери борышын өтеу маңызды», - дейді студент Әділбек Асылбек
Қозыбаев университетінде бұл студенттер педагогикалық және агротехнологиялық факультеттерде білім алып жатыр.