Олимпиадалар жас өрендердің бәсекеге қабілеттілігін шыңдайды.Еліміздің дарынды студенттері республикалық жарыстарда бақтарын сынайды. Олар әр түрлі жоғары оқу орындарының базасында барлық пәндер бойынша өткізіледі.
Осындай зияткерлік сайыста алғашқы марапаттарға ие болған «География және экология» және «Орыс тілі мен әдебиеті» кафедраларының студенттері болды. Екі команда «қола» жеңіп алды!
Мадина Асылтасова, Валерия Грабовская, Елизавета Радченко Өскемен қаласында өткен Орыс тілі мен әдебиеті бойынша Республикалық пәндік олимпиадада үшінші орынды иеленді. Бойжеткен қыздар дипломмен және 35 мың теңгелік сертификатпен марапатталды! Команданың ғылыми жетекшісі аға оқытушы С.С. Ағыбаева болып табылады.
Сонымен қатар, жеке біріншілікте Валерия Грабовская екінші болды. Ал Мадина Асылтасова «Орыс тілінің грамматикасы» номинациясын жеңіп алды. Жарайсыңдар!
География пәнінен XVI Республикалық пәндік олимпиада Абай ат. ҚазҰПУ-да өтті. (Алматы қ.). Мұнда біздің білім алушылар жаратылыстану-ғылыми және білім беру бағыттары бойынша бірден екі үшінші орынға ие болды!
Екі команда ұсынылды:
«Қызылжар» (жаратылыстану-ғылыми бағыты)- Айгерім Ахметова, Анастасия Илюшина, Амангелді Сұңқар.
«Эверест» (білім беру бағыты)- Адия Тургунова, Дамир Зейнолла.
Бұл студенттердің Республикалық олимпиадаға қатысудағы алғашқы тәжірибелері. 30-дан астам команданың арасында бірден жүлделі орындарға жайғасты!Олар жүлделі гаджеттер мен ұйымдастырушы университеттің естелік кәдесыйларын алды. Екі команданың ғылыми жетекшісі «География және экология» кафедрасының аға оқытушысы Г.З. Мәжитова болды.
Қатысушылардың айтуынша теориялық тестілеу, практикалық тапсырмалар, тіпті ғылыми жобаны қорғау бірнеше кезеңдерден тұрды. Бізде ЖОО-да: ГАЖ технологиялары мен қашықтықтан зондтауды қолдана отырып, Қозыбаев университетінің жасыл кампусын құру тақырыбына арналды. Студенттер мен олардың оқытушыларын осындай жоғары жетістіктерімен құттықтаймыз! Жаңа шыңдарды бағындыра беріңіздер!
