Бұл жолы 6 корпус фойесінің кеңістігі өзгерді. ЖОО серіктестеріь– «ForteBank» АҚ Солтүстік Қазақстан филиалының арқасында мұнда жайлы коворкинг-аймағы ашылды. Енді білім алушылар сабаққа дайындалып, демалып, жұмыс істей алады. Мұндағы ыңғайлы орындықтар, компьютерлер білім алушылар мен педагогтарға кез келген уақытта қолжетімді.
Бүгін Петропавл қ. «ForteBank» АҚ директоры Диас Қазыбаев атап өткендей, банк қызметкерлерінің 70% – дан астамы - біздің ЖОО түлектері. Сондай-ақ, біздің студенттер банкте тәжірибеден өтеді, бірлескен конференцияларға қатысады, зерттеу жобаларын жүргізеді. Біз инфрақұрылымдық нысандарды жақсарту жолында, ғимараттар мен жатақханаларда осындай қызықты және әлеуметтік пайдалы «аймақтарды» ашамыз!
