ЖОО-да «Саналы ұрпақ» ерікті студенттік клубтарының қалалық слеті өтті. Оған қала колледждерінен және оқу ордамыздан 6 команда қатысты. «Саналы ұрпақ» ерікті студенттік клубтары жастарды сыбайлас жемқорлыққа қарсы мәдениетті қалыптастыруға, адамгершілік-патриоттық құндылықтарды тәрбиелеуге және ілгерілетуге ықпал етеді. Студенттер, «Таза сессия» акциясын өткізу, еріктілік арқылы оқыту жүйесінде парасаттылық таныту, қабылдау комиссиялары қызметінің ашықтығы саласында үлкен жұмыс жүргізеді.
Қозыбаев университетінің «Саналы ұрпақ» жобалық кеңсесі шамамен 450 белсенділерді құрайды.
«Біздің университеттің Комплаенс қызметі республикадағы ең үздік ұйымдардың бірі. Бүгін ЖОО-ның бастамасымен іс -шараға білім алушылар жиналды. Жыл бойы тиісті идеологиялық жұмыстар жүргізіледі. Жалпы, басты міндет- патриотты ұрпақ тәрбиелеу»,- деп атап өтті СҚО бойынша сыбайлас жемқорлыққа қарсы қызметтің ІІО офицері Екатерина Аубакирова.
Слетке қатысушылар командаларын таныстырып, білім алушылар арасында сыбайлас жемқорлыққа төзімділікті қалыптастыру бойынша жобаларын таныстырды. Екінші кезеңде сыбайлас жемқорлыққа қарсы тақырыптағы әлеуметтік бейнероликтер көрсетілді. Кейін білім алушылар интерактивті викторинада «Сыбайлас жемқорлыққа қарсы іс-қимыл» тақырыбы бойынша сұрақтарға жауап берді. Конкурсқа қатысушыларды сыбайлас жемқорлыққа қарсы қызмет, «Бірінші сыбайлас жемқорлыққа қарсы медиа орталық» РҚБ СҚФ өкілдерінен құралған қазылар алқасы, қолданыстағы комплаенс офицерлер бағалады.
Нәтижесінде Қозыбаев университетінің командасы жеңімпаз атанды, М.Жұмабаев ат. Жоғары колледж 2 орын алды. Ал үшінші орынды Солтүстік Қазақстан кәсіптік-педагогикалық колледжінің командасы иеленді.
