Green Groups компаниясы-экологиялық таза өсімдік тағамдарының: көкөністердің, салат қоспаларының және дайын тағамдардың танымал әлемдік өндірушісі. Польшада және шетелде 7 өндірістік кәсіпорны бар. Бұл компанияда Қозыбаев университетінің студенттері екінші жыл тәжірибеден өтуде. Осы уақыт ішінде компанияның агроқұрылымдарына 76 адам барып қайтты. Білім алушылар үшін практикалық оқыту, ұшу және тамақтану тегін. Студенттердің далалық жұмыстары үшін төлемді жұмыс беруші қарастырады. Бұл дақылдарды өсірудің заманауи әдістерін үйрену, жоғары технологиялық жабдықты игеру ғана емес, сонымен қатар қаражат табудың жолы. Тәжірибенің ұзақтығы 6 айды құрайды. Тағылымдамадан өтушілер Краковтағы ауылшаруашылық университетінің ғылыми зертханаларына барып, дәрістерге қатысады. Сондай-ақ, студенттер мәдени экскурсиялары мен Польшаның көрікті жерлерін көруге мүмкіндік алады.
Green Groups компаниясының басқарушы директоры Адам Рожицкий біздің университетке жұмыс сапарымен келді. Қозыбаев университетінің басшылығымен кездесуде одан әрі ынтымақтастық кезеңдері талқыланды.
«Бұл менің Қазақстанға алғашқы сапарым. Маған өте ұнады. Жыл сайын біз студенттердің тәжірибе жағдайларын жақсартамыз. Өз басым студенттік жылдары Англияда оқыдым. Сондықтан студенттер үшін жолдың құны қымбатқа соғады. Біз практиканттар үшін жету жолдарын тегін ойластырдық. Білім алушылар үшін жеке кеңестер беруге дайынбыз», – деді Адам Рожицкий.
Басқарма Төрағасы – Ректор Ербол Исақаев бірлескен жұмысты одан әрі жалғастыру бойынша бірқатар бастамалармен бөлісті: Green Groups базасында көкөніс өсіру бойынша микро-біліктілікті практикант-студенттермен бөлісу мүмкіндігін қарастыру; компанияның қолдауымен көкөніс шаруашылығы және заманауи агротехнологиялар бойынша оқыту материалдарымен жабдықталған мамандандырылған кабинет ұйымдастыру. Агротехнологиялық факультеттің деканы Алтын Шаяхметова атап өткендей, бұл шетелдік тәжірибе болашақ агрономдарға көкөніс өсіру бойынша жаңа ауыл шаруашылығы дағдыларын игеруге мүмкіндік беріп қана қоймай, еңбек тәртібін, командалық жұмыс барысымен өнім өндірудің әлемдік стандарттарымен таныстырады.
